Procesverbal i Organizatës Bazë të Partisë – Ambasada Shqiptare në Kinë (15 janar 1958)
Dokument Arkivor – Transkriptimi i Plotë
Më poshtë botohet, për herë të parë i plotë, procesverbali i mbledhjes së organizatës bazë të Partisë të datës 15 janar 1958, mbajtur në një përfaqësi diplomatike të Shqipërisë në Republikën Popullore të Kinës. Dokumenti paraqet diskutimet e brendshme të kolektivit, kritikat, vetëkritikat dhe organizimin e punës së aparatit diplomatik.
Transkriptimi është bërë besnikërisht ndaj origjinalit, duke ruajtur drejtshkrimin, gjuhën dhe formatin e viteve ’50.
PROCES-VERBAL:
I mbajtur sot me datën 15 janar 1958 në mbledhjen speciale të Organizatës Bazë të Partisë ku merrnin pjesë të gjithë shokët komunistë, me këtë rend dite:
REND DITE
- Mbi organizimin e brendshëm të punës dhe masat për vitin 1958.
- Pyetje e diskutime.
Dilaver Pino:
Unë si Sekretar i organizatës bazë mendoj se Partija na ka dërguar këtu për të kryer detyrat mirë dhe drejt ashtu si kundër i ka hije një komunisti, mirë po ka raste që këto detyra nuk janë zbatuar mirë si nga mua, Dajlani etj., njëkohësisht dhe shoku Delo ka gabim që nuk na ka kërkuar shumë llogari lidhur me punën. Çdo shok nga ne i di detyrat që ka kjo si mbas sektorëve që kemi, mirë por vitet e re se këto nuk zbatohen në rregull dhe me kohë dhe me i theksuar është tek shoku Mihallaq Grazhdani i cili në fillim ka punuar shumë mirë, por së kohet e fundit e si do mos me ardhjen në ndërtesën e re detyrën si kafaz nuk po e kryen mirë, njëkohësisht lidhjet me mua i ka shumë të dobëta.
Ai duhet të vijë vazhdimisht tek mua të konsultohet dhe udhëzohet lidhur me çështjet e përditshme si: marrjes postës, buletinit, pritjes etjera.
Po ashtu Mihallaqi që nga koha që i është dhënë dhe mbajtja e llogarisë, gjë për të cilën ka treguar shumë kujdes, por së detyra e tij kryesore si kafaz e ka lënë pas dore duke e quajtur veten si mbajtësi i llogarisë.
Për këtë unë propozoj dhe jam plotësisht dakord që të hiqet llogarija dhe të ngarkohet Dajlan Buxheli për ta kryer detyrën e llogarisë mbasi ky i fundit nuk ka dhe shumë punë dhe Mihallaqi të kryejë detyrën e tij si kafaz duke qëndruar vazhdimisht në dhomën e tij që i është caktuar për këtë pune se ka raste që vijnë koriera apo kineze për të dorëzuar postën dhe nuk gjejnë njeri.
Të metat e Mihallaqit që ka patur mendoj se ai duhet t’i marrë me seriozitet dhe t’i analizojë këto të meta me qëllim që t’i ndreqi në të ardhmen.
Njëkohësisht Mihallaqi për çdo gjë duhet të më informojë, njëkohësisht posta kur vjen me një herë duhet t’ja dorëzojë kancelarit i cili ky i fundit duhet të këtë lidhje të rregullta dhe të përditëshme me mua. Edhe në blerjen e materyaleve ka vonesa, ne kemi bërë planin e vitit që jemi dhe bazë tij të merren sendet e nevojëshme dhe të domosdoshme. Deri në mëngjez nuk hapet me orarin e caktuar dhe ka raste që shumë ta që përkthyesit kinezë të rrinë e të presin sa të vijë Mihallaqi tua hapë derën, për këtë mendoj se duhet treguar më tepër kujdes dhe si do mos lidhur kjo me respektimin e orarit të ardhjes në zyrë si nga ne të vjetërit ashtu edhe nga shokët e rinj.
Ne shokun Mihallaq e kemi ndihmuar vazhdimisht në punën e tij dhe do ta ndihmojmë, ay për çdo pengesë që do ketë te vijë vazhdimisht tek ne, por mendoj se këto që ju thanë Mihallaqit duhet ti ketë parasysh ti analizojë dhe të mobilizohet më shumë në kryerjen e detyrës së tij si kafaz dhe të mos na i marrë për keq këto kritika që atij ju bënë.
Mihallaq Grazhdani:
Unë si kafaz dhe gjatë kësaj periudhe që kam ardhur këtu kam punuar, unë përveç detyrës si kafaz kam patur dhe llogarinë dhe këtë e kam mbajtur mirë me përjashtim të një sufiqiti që ekziston se nga del kjo nuk jemi ne gjendje ta gjejmë, po ashtu kam punuar edhe me buletin. Unë për punë jam kritikuar vazhdimisht në mbledhjet e organizatave si për punën e kafazit, për buletinin, për marrjen e postës etjera, unë i kam këto gabime dhe i pranoj, por mendoj se gabime kanë dhe shokët e tjerë dhe nuk janë kritikuar.
Për hapjen e derës së zyrave unë këtë vazhdimisht e kam hapur në rregull dhe nuk kam mbetur përkthyesit tek dera, mos respektimi i orarit ekziston dhe nga shokët kryesorë dhe mbas tyre vijnë dhe shokët e tjerë të rinj që kanë ardhur tashti.
Për llogarinë që kam sot do ma hiqni apo do ma lini kjo është puna juaj dhe e kryej a së kryej këtë punë do e tregoj, por une them se unë jam në gjendje ta kryej këtë detyrë por si do qoftë kjo e fundit më ka penguar dhe në rast se do ma hiqni, unë premtoj para organizatës se detyrën si kafaz do e kryej më së miri.
Delo Balili:
Mbledhja e sotme ka rëndësi të madhe dhe është mjaft e vlefshme e si do mos për periudhën 1957–58 ku ne të analizojmë të metat që kemi patur dhe detyrat që na dalin për vitin me vazhdim, njëkohësisht ne do na ndihmojë shumë që të kryejmë detyrat mirë dhe drejt pse jemi në një vend të huaj dhe s’duhet ti lëmë gabimet tona të kalojnë pa i analizuar. Ne të gjithë jemi Anëtar Partie dhe duhet të kritikojmë njeri tjetrin për të metat që kemi patur për këtë dhe shoku Mihallaq të mos revoltohet pse u kritikua në mbledhjen e organizatës për të metat që ju vunë në dukje.
Shoku Dilaver si sekretar i organizatës punën e tij e ka kryer mirë dhe njëkohësisht ay ka eksperiencë si sekretar organizate dhe për punën që i është ngarkuar.
Puna në përgjithësi në Ambasadën tonë gjatë vitit që kaloi nuk ka shkuar keq, por këtu ka dhe të meta për të cilat duhet ti analizojmë këto dhe të merren masa për ti eliminuar këto në të ardhmen të mos ekzistojnë. Çdo njeri nga ne duhet të kryej detyrën ashtu si mbas sektorëve që u janë ngarkuar, lidhur me rregullin e brendshëm edhe unë kam faj që nuk kam punuar mirë, për këtë unë mendoj se dhe për të metat e mija duhet të më vihën në dukje me qëllim që dhe unë të ndihmohem nga shokët pse jam pa eksperiencë dhe dua vazhdimisht ndihmë pse njeriu del nga jeta e jo nga natyra.
Shoku Dilaver gjatë kësaj periudhe punën e tij ka qene e mirë me gjithë se është dhe i dobët fizikisht. Mihallaqi ka gabim që thotë se Dilaveri mua me ka kritikuar me shumë kjo nuk është as pak e drejtë, për gabimet që ke duhet të ti venë në dukje me qëllim që të përmirësohesh.
Edhe Djlani në përgjithësi ka punuar mirë me gjithë se ky ka patur dhe gabime mjaft të rëndësishme që për të cilat ne nuk i dinim vetem se me ardhjen e shokut të ri i zbuluam, për këto të meta atij ju vunë në dukje dhe i pranoj.
Për detyrën që i është ngarkuar e për tregtinë me gjithë se i ri ne duhet ta ndihmojmë, por se puna e tregtisë këtu është e paktë për këtë unë mendoj se këtij duhet ti japim dhe llogarinë pse ka kapacitet.
Shoku Aleks me gjithë se i ri punën në përgjithësi me ndihmën tonë e ka kryer mirë, njëkohësisht shoku Aleks ka dhe pjekuri gje për të cilën dhe ne në punën tonë na ka ndihmuar si për buletinin etj. Edhe Mihallaqi ka punuar mirë dhe mos e marrë se ay po kritikohet me tepër, detyra e kafazit edhe me të vërtetë me mjaft rëndësi për këtë ay duhet të tregojë më shumë kujdes për këtë, me gjithë se ne i kemi dhënë dhe mbajtjen e llogarisë dhe aty ka dhe sufiqitë për këtë ay është mjaft i sinqertë për këtë mundet të jenë të Mihallaqit ose të Dilaverit këto sufiçite.
Detyra e kafazit deri me sot është kryer keq, për këtë ne duhet të marim masa qysh sot dhe kur bje zilja duhet të delët me një herë, Mihallaqi duhet të rrije vazhdimisht në dhomën e caktuar për këtë qëllim, njëkohësisht jam dakord që të forcohet akoma më shumë detyra e dezurnit e si do mos tash që ne jemi më shumë.
Matërjalet që vijnë të gjitha ti dorëzoen Trendafilit dhe ay mbasi ti hapij të na i dorzojë ne.
Orari duhet respektuar si nga ne ashtu dhe nga shokët e tjerë, urdhëri që jepet nga eprorët pa mvarësishtë është mirë apo keq ay duhet zbatuar dhe mos diskutohet aty për aty, më vonë kjo të shihet ka qene apo ska qene e drejtë.
Po ashtu ne duhet të kemi kujdes dhe të ndihmojmë njeri tjetrin dhe si do mos shokët e rinj pse dhe këta në fillim do bëjnë gabime, por ne duhet të ndihmojmë këta vazhdimisht.
Dajlan Buxheli:
Ne jemi në fillim të vitit dhe për të metat që dolën nga kjo mbledhje duhet të vihen në rregull.
Për detyrën e re që kam sot tash dhe në të ardhmen mendoj se do e kryej kjo me ndihmën e shokëve.
Ka pasë raste që ftesat që vijnë nuk na jepen në kohë siç është ajo e filmit që ne nuk vamë dje për të cilën nuk është e mirë dhe bën shumë përshtypje që nga ne nuk shkoj njeri, në të ardhmen me shumë kujdes dhe si do mos nga Mihallaqi që kryen detyrën si kafaz.
Nuk jam dakord me Mihallaqin që thotë se unë po kritikohëm me shumë, ay kritikohet se për gabimet që ka dhe jo për ato që nuk ka.
Për llogarin jam dakord ti hiqet ashtu si kunder propozuan dhe shokët parafolës.
Aleks Çaçi:
Mbledhja e sotme ka shumë rëndësi të madhe, gabimet dhe të metat që kemi ti pranojmë njëkohësisht ato ti vëmë në rrugën e drejtë secili si mbas detyrës që ka.
Secili nga ne ka detyrat e tij të caktuara edhe une me gjithë se i ri në detyrë do mundohem që të futem në brendësi të punës sime, serioze është problemi që shtrojmë sot i njerëzve që vijnë nga jashtë, për këtë Mihallaqi duhet të tregojë me shumë kujdes në këtë drejtim, njëkohësisht duhet të kemi dhe paraqitje si brenda ashtu dhe jashtë pse ne përfaqësojme Shtetin.
Trendafil Filipi:
Unë sot mar pjesë për herën e parë në mbledhjen e organizatës bazë si i ri që jam.
Mbledhja e sotme ashtu si kundër e përmendën dhe shokët e tjerë parafolës ka shumë rëndësi për faktin, pse këtu po analizohët puna e vitit kaluar dhe nxjerrim detyrat për vitin në vazhdim.
Nga sa kuptova unë del se shoku Mihallaq në punën e tij si kafaz ka patur gabime dhe punën nuk e ka kryer dhe mirë, me gjithë se dhe ndihma e shokëve ka qene e vazhdueshme për te, por një gjë që duhet vene në dukje është se shoku Mihallaq nuk i merr çështjet me avash ti analizoj dhe të nxjerrë të metat që ka por me një herë revoltohet dhe flet pa radhë e regull në mbledhjen e organizatës.
Ne si të rinj që jemi në fillim sigurisht që do kemi dhe të meta, por me ndihmën e shokëve do mundohemi që të metat në punën time të jene sa më të vogëla deri në zhdukjen e tyre plotësisht.
Unë jam dakord me propozimet e shokëve që llogarija ti hiqet Mihallaqit dhe ay ti vihet punës së kafazit me seriozitet dhe nga sa doli ay ka punuar dhe mirë, por kritikat që ju bënë ju bënë për të metat që kishte dhe nga kjo mbledhje mendoj se ay duhet të dalë më i qartë dhe më i thelluar për detyrën që ka si kafaz.
Një gjë që duhet të kihet parasysh nga ne është dhe dalja e çështjeve në kohën e duhur dhe njëkohësisht mendoj se dhe shokët përkthyesa që kemi ne duhet të kontrollohen në punën e tyre pse ka raste që një çështje ka qëndruar në qartë e tyre për pesë ditë dhe na u dha me vonesë problemi i saj ka patur rëndësi dhe datë të caktuar prandaj dhe për këtë del detyre që ti ndihmojmë dhe të jemi me të shpejtë.
Dilaver Pino:
Ne sot i bëmë një analizë punës sonë, por jo ashtu si kundër thotë Mihallaqi se ju drejtuam atij direkt për të metat që kishë dhe mos i marrë si ambicje dhe revoltohet, nga diskutimet e shokëve ju vunë në dukje të metat sti mua, Mihallaqit e shokëve të tjerë.
Vrejtjet që bëri shoku Delo për mua janë të drejta.
Për çështjet e brendëshme duhet që shoku Delo ti marrë vete në dore këtë çështje.
Mihallaqi duhet të dalë shumë herë jashtë dhe shokët kineze ankohen për këtë se letrat mbëten.
Unë me gjithë se i dobët (fshirje në dokument) vij në zyre në orarin e caktuar.
Shoku Mihallaq për të metat qe ka të bindet dhe ti analizoj mirë.
atë dhe këtu ju thanë ato që kish, por duhet përmendur se ay ka dhe anë të mira të punës tij qoftë si kafaz po ashtu dhe detyra tjetër si mbajtësi i llogaris që për të cilën e ka mbajtur mirë dhe në rregull dhe ashtë shumë i sinqertë, ne nuk kemi haritur në konkluzion se ju nuk jini element i mirë.
Për mbledhjen e ardhëshme mendoj të merren këto gjëra:
e para të jepet një informacion politik nga Shoku Delo Balilli
dhe e dyta të jepet një raport nga komiteti profesional se si ka punuar ay gjatë periudhës së kaluar nga Dajlan Buxheli.
MBAJTËSI I PROTOKOLLIT
(Trendafil Filipi)
(nënshkrim)
