Më 14 dhjetor 1944, vetëm pak javë pas çlirimit të vendit, u mblodhën organet drejtuese të qarkut të Vlorës për të përballuar krizën që kishte përfshirë qytetin.
Dokumenti përshkruan një gjendje të rënduar: mungesë të ushqimeve, prishje të plotë të sistemit arsimor, nevojë për riorganizimin e ndërmarrjeve ekonomike dhe një rënie të moralit në zonat rurale.
Në këtë mbledhje u vendos ngritja e një qendre furnizimi që të koordinonte shpërndarjen e ushqimeve bazë. Një komision i posaçëm u caktua për të vizituar çdo fshat dhe për të hartuar lista me të pastrehët, të plagosurit dhe jetimët e luftës.
Gjithashtu, u shpall një thirrje publike për të mobilizuar mësues dhe të rinj për hapjen e shkollave popullore.
Referenca arkivore: Fondi 14APL, Viti 1944, Dosja 101
