Në muajin tetor të vitit 1944, ndërsa Shqipëria ishte në prag të çlirimit të plotë nga pushtimi nazist, Shtabi i Korpusit të Parë të Ushtrisë Nacionalçlirimtare njofton për zgjedhjen e anëtarëve të Këshillit Antifashist Nacionalçlirimtar të Qarkut të Durrësit dhe nënprefekturës së Shijakut. Dokumenti i firmosur nga drejtues të lartë si Spiro Koleka dhe Sejfulla Malëshova, tregon për përpjekjen që po bëhej për të organizuarpushtetin e ri popullor që do pasonte Luftën, përmes përfaqësuesve të besuar nga populli.
Në këtë dokument arkivor, thuhet:
“Fitoret e mëdha të Ushtrisë Nacionalçlirimtare dhe të popullit shqiptar kanë sjellë ditën e realizimit të ëndrrës sonë: vendosjen e një qeverie të drejtë popullore.”
Në këtë kuadër, Shtabi i Korpusit I shpall se janë zgjedhur anëtarët për Këshillin Antifashist Nacionalçlirimtar të Qarkut Durrës, të cilët do të përfaqësojnë popullin e zonës në përbërjen e strukturave të reja shtetërore.
Anëtarët e Këshillit për Qarkun Durrës:
- Dr. Enver Sazani
- Dr. Bexhet Reso
- Koço Pepo
- Masshar Shehu
- Riza Hoxha
- Syrja Baçaj
- Shaban Hasku
- Hyrmete Kokomani
- Asamble Vëgli
Ndërsa për nënprefekturën e Shijakut, në dokument përmenden:
- Qamil Kacmoli
- Jusuf Kushumi
- Zydi Lila
- Pal Kavaja
- Maria Zeza
Lista është e përbërë nga figura intelektuale, luftëtarë të njohur dhe gra, që përfaqësonin frymën e re të pushtetit të ardhshëm.
Në fund të dokumentit, vendimi konfirmohet nga:
- Spiro Koleka – Ministër i Shtypit, Propagandës dhe Kulturës
- Sejfulla Malëshova – Ministër i Ekonomisë
- Bedri Spahiu – përfaqësues i Frontit Nacionalçlirimtar
Referenca arkivore:
Fondi 257, Dosja 1
